Bijlage III: Ontbrekende tekst in BA1

** Overgenomen zijn uit BA2 tevens enige aansluitende stukken tekst. Het in BA1 ontbrekende staat tussen "///". De spelling van BA2 wijkt af van die van BA1.

2108 BA2 fol 12 :

Item Segher Prien van Beerse hout enen buscht, gheheten dat Winkel. Item een stuc lants gheheten die Hoefacker. Item een stuc, gheheten die Daelacker. /// Item 't goet ter Dobbelesvoet mit sinen toebehoren, dat al gheleghen is in den kerspel van Beerse.

Item Bertraet, Jans wiif van den Putte, hout 't halve Huys ten Arn, daer aen die oversyde naest gheleghen is 't Huys te Lechtenberghe ende aen die nederside Lewensteyn, gheleghen aen der Plaetsen t' Utrecht. Ende vor sie hulde Willam Ulrixsoen, anders gheheten uten Wingarden.

Item Dirc van Oudaen hout 't Huys van Oudaen mit sesendetwintich morghen lants, daer 't op staet, gheleghen mit al sinen toebehoren in Broecler kerspel.

Item Herman van den Damme hout 't Huys ten Vliet mit twintich morghen lants, als 't beleghen is bi Loepwiker Capelle.

Item Clas Paeu hout acht morghen lants, gheleghen in den Viertich Hoeven in Nederlancbroec, daer boven naest leyt Dirc Paeu ende beneden die vorseide Claes selven.

2109 BA2 fol 12v

Item Hubert van Gobertinghen hout 't Huys ende hofstede tot Wickenborch mit neghentien morghen lants, t'samen gheleghen in 't kerspel van den Ghoye.

Item Jacob van Lichtenberghe hout een daghelix gherechte mit 15 mudde rogghen, gheleghen in Seyster kerspel. Item een hoeve lants op den Ondiep, streckende an der stat weyde.

Item Rutgher Paeschdach hout die hofsteden buten den Roden Torne tot Amersfoerde, gheleghen an die Langhe Straet, mit des Smedes Hoeve, die gheleghen is op Amersforder Enge, ende mit eenre hofsteden, gheleghen binnen der stat muren van Amersfoerde. Ende vor hem hulde als een mombaer Gode van Leenlare, siin vader. Want hi niet voljarich en was.

Item Thomaes van der Maet, Jan Taecken soen, hout die helfte van den alinghen goede Ten Acker mit al sinen toebehoren, als 't gheleghen is in den kerspel van Loesden, daer die ander helfte of hout Geriit Rogghers soen. ///.

Item Herman Caerman hout drie stucken lants, gheleghen op Amersfoerder Enge, daer aen die --- .

2110 BA2 fol 21

Item Volkier die Tolnaer hout die tollen te Staveren, also alse syne voervaders die van den ghestichte plaghen te houden.

/// Item her Wouter van Mynden hout 't Huys to Ruweel mit tween hoeven, daer 't Huys op staet, alsie gheleghen siin; dat daghelix gherechte, tyns ende tiende daeraf ende drie hoeven lants daeraen legghende ende een hoeve over die A onder 't Huys ende een hoeve in Corten Cortriic. Twe hoeven in Cameric, alsie gheleghen siin, ende dat daghelix gherechte, tyns ende tyende van eenre hoeven in Cameric ende dien tienden tot Achtehoeven ende dat daghelix gherechte, tyns ende tiende van Langhen Cortriic ende van Zuutende ende van Bertengen, van Corten Cortriic ende van die vriheit ende van drien hofsteden ende van ses morghen ende van drien morghen lants ende die manne, die ten Huse horen.

Item Geriit Rutgherssoen van Amersfoert hout die helfte van den alinghen goede Ten Acker mit alle sinen toebehoren, als 't gheleghen is in den kerspel van Loesden. Dat te siinre behoef opdroech Herman Caerman, daer die ander helfte of hout Thomaes van der Maet.

2111 BA2 fol 21v

Item Geriit van Oestrum hout drie blocke tienden, gheleghen in den gherechte van Scalcwiic. Item een halve hoeve lants in den kerspel van Werconden, gheleghen in Weenderberghergher Broec.

Item Herbren van den Riin hout eenendetwintich morghen lants, ghele-ghen in 't Wael, gheheten dat goet tot Blasenborch, daerboven ghelant ziin Dircs eerfnamen van Deylen ende beneden Wouter die Voecht.

Item her Sterkiin van Brakel hout Langheraec aen beyden siden van der Lec mit horen daghelix gherechten, mit tynse, tienden, visscherien, ver ende mannen, mit allen hoeren toebehoren. Item dat daghelix gherechte van Jaersvelt mit alle sinen toebehoren.

Item Philips van Oestrum hout derdenhalven morghen lants op 't Westermeerweyde, daerboven naest ghelant is Philips vorseit ende beneden die heren van den Duutschen Huse t' Utrecht.

Item Bartholomeus' dochter van den Campe, Hildegont, hout viif mor-ghen lants uyt eenre halver hoeve, die gheleghen is to Vredelant op die westersyde van der Vechte. Ende vor hor hulde Werner van Wel. ///

Item Geriit van Beesde hout dat goet Dersemel, egghen ende eynden, mit al sinen toebehoren, als 't gheleghen is in den gherechte van Werkonden.